حماقي بالدارجة

هاذشي كتبتو مور الطناش دالليل .. غا سمح لينا ايلا قريتي شي حاجة ماعجباتكش .. نعوضوها ليك في الكتبة الجاية إن شاء الله عندي واحد النظرية غادي ندير بيها الدوكتوراه و غادي ناخد بيها نوبل للسلام: فيزيونوميا و بيولوجيا و أنطروبولوجيا و و و و بنادم مأوبتيميزي باش يهضر أكثر من أنه مأوبتيميزي باش يسمع .. أنواع الهضرة الهضرة 3 أنواع: الأراء: المرأة تقرأ حدها السادس الحقائق: الجلبة ديال كوفيد فيها كونيكسيو *6 القصص: القصة ديال جدي في الحرب ضد البرطقيز المتغيرات هاذ ديال الأنواع ديال الهضرة كل واحد تايرتابط بمتغير واحد مهم تايحددو ...

هاذشي كتبتو في 2019 و لقيتو غير دابا في المذكرة .. قلت ننشرهم .. الأفكار لي هنا ماشي كاملة متوافقة مع شنو تاننفكر دابا و القصص لي التحت لا علاقة لها بالحقيقة .. أي تشابه و ذاكشي … ناس أحسن من ناس ما كانكره تا واحد، و صعيب نكره شي واحد شي نهار .. و لكن عندي حساسية كبيرة من الناس لي تايسحاب ليهم راسهم أحسن من بقية الناس. هاذ القضية ولات متفشية فينا بزاف حنا جيل السوشل ميديا. حيت المعلومة ولات متاحة فجأة و بسهولة و بكميات هائلة. و هاذشي خلانا نقدرو نوليو من هاذيك الكائنات المكلخة لي ما عارفة والو، لكائنات راسها عامر بسرعة قياسية. ...

الطيب - The Good ياسين بونو أحسن لاعب في التاريخ ديال المنتخب .. أحسن لعاب في هاذ كأس العالم و في تاريخنا في كأس العالم .. دائما تايتألق و عمرو تايخدلنا .. و فوق هاذشي كامل إنسان جميل. ثنائية الدفاع: شادي و عيسى ثنائية ديال الدفاع مهما كنا خايفين منها مافرطاتش .. ديوب بدأ بدية مهزوزة خاصة في تخراج الكورة و لكن من بعد و خاصة دفاعيا كان مزيان .. و الأجمل في هاذشي هو أنه كان شرس دفاعيا و ربع أغلبية النزالات ديالو و ماقصرش ولا تخادل معانا .. حط ذاكشي لي عندو كامل في حدود المستطاع طبعا .. ...

ماتش متوسط .. أسوء من ماتش البرازيل و لكن المهم 3 دالنقط و حتى حد ماتضرب .. الماتش تخربق من بعد الهدف المبكر حيت اللعابة ولاو متسرعين ومرعونين .. ضيعنا بزاف ديال البيوت باش نقتلو الماتش .. اسكتلندا جاو باش يتعادلو في الماتش .. دارو ماتش دفاعي و بدني و في الأخير طلعوا الريتم .. في الأخير اللعابة طاحوا بزاف بدنيا و كات سكوتلاندا تقدر تتعادل و لكن الزهر بقى معانا .. فرصة أخرى ممكن وهبي يتعلم و يزيد يكبر في البطولة .. ...

ماتش ناضي من عند وهبي .. شوط أول مزيان .. تغييرات مزيانين .. الاحتياطيين متوسطين جدا .. عموما ماتش غادي يعاوننا نطلعوا أكثر في الثقة و نكبروا في هاذ البطولة .. هاذو تقييمات ديالي على اللعابة: بونو دار ماتش متوسط .. جبد شي كرات، شي واحدة لي كانت خطيرة و عتقنا من بيت بسبب غلط ديال ديوب .. برجليه كان ماشي طوب .. فزع بزاف ديال الكرات و شارك في الخطأ ديال لقطة البيت .. و لكن ماكانش أصلا خاص يلعب هاذ الكم كامل ديال الكرات .. و السبب هو ديوب .. ...

الطناش دالنهار الشمش مطنطنة .. اسماعيل حط الطبيسيل على الكاس دالنوار لي خدا على الرّيق و ناض .. “حميد هاهي هاذي هنا معاك ..ـ” حميد دار شاف فيه واحد الشوفة مخلطة بين الاشمئزاز و الاحتقار و دوّر وجهو بلا مايجاوب .. اسماعيل باقي على الله .. حتى الݣارو الأول مازال ماكماهش .. حميد حلف لا بقى عطاه شي ݣارو حتى يخلص داكشي لي عليه قبل .. و الصاكة لي كان تايمشي تايدير ليه البلبالة حتى تايعطيه ݣارو دار الحديد و دور مع المخزن و مابقاش قاد اسماعيل يدور بيه .. ...

كون كنت إنسان بحالي بحال الناس .. كون لحت هاذشي في الزبل .. و نضت نعست .. هاذ لارتيكل مشى ليا 2 مرات .. المرة الأولى كنت في قمة الإلهام .. للأسف هاذ الفكرة جاتني في المحطة الطرقية ديال واحد المدينة صغيرة سميتها تارجيست في إقليم الحسيمة في الريف .. الفكرة هي نخوي ضماغي و نعرّف راسي لراسي براسي .. و نهضر على أجزاء من الهوية و التجربة و المبادء ديالي .. ...