فيلم The Mitchells vs the machines فيلم زوين تايعاود قصة عائلة تاتحول من عائلة فاشلة لمنقذي العالم من خطر الآلات لي باغين يستوليو على العالم.
الموضوع الأساسي ديال الفيلم هو التأثير ديال السوشل ميديا على المجتمع ديالنا، و هنا كانوا بزاف ديال اللحظات و الأفكار المهمين:
- البلوت ديال الفيلم فيه رمزية زوينة على اللاستيلاء ديال السوشل ميديا و التكنولوجيا على العالم، في شخصية الشرير التيليفون.
- من أهم الأفكار في الفيلم هي كيفاش تاتخلينا السوشل ميديا مديكونيكطيين على الواقع ديالنا و خاصة الناس لي قرابين لينا.
هاذ القضية مهمة بزاف، السوشل ميديا تاتولد فينا واحد البلية و urge كبير باش نتعرفوا على ناس جداد و نديروا علاقات جديدة. و هاذشي على الحساب العلاقات الواقعية القديمة لي عندنا.
هاذشي بالإضافة للتسارع باش نديروا لاقات جداد لحظية لي كاتبدأ و تسالي بالزربة، التركيز و الصبر مايموتوا مع إدمان السوشل ميديا.
السوشل ميديا هي الهيروين ديال الإجتماعية
- الفيلم جبد الزور ديال الحياة الافتراضية و خاصة إنستاغرام و جبد موضوع المقارنات و التنقيص من النفس.
- حاجة مهمة في الفيلم هي التناقض و الكلاش بين الأجيال في موضوع السوشل ميديا. كيفاش الجيل اللي فات مامتقبلش فكرة و استعمال الجيل الجديد للسوشل ميديا و العكس، الجيل الجديد لي تايعتابر الجيل القديم جاهل في السوشل ميديا.
- من هنا تايجي واحد السؤال مهم بزاف: واش الاستعمال ديال السوشل ميديا في هاذ العالم الجديد ديالنا كيفاش حنا كانستعملوها صحي و تداعيات الجيل لي فات غير عقدة تفوق، أم أن بالصح العالم غادي لكارثة اجتماعية.