Movies

فيلم The Mitchells vs the machines فيلم زوين تايعاود قصة عائلة تاتحول من عائلة فاشلة لمنقذي العالم من خطر الآلات لي باغين يستوليو على العالم. الموضوع الأساسي ديال الفيلم هو التأثير ديال السوشل ميديا على المجتمع ديالنا، و هنا كانوا بزاف ديال اللحظات و الأفكار المهمين: البلوت ديال الفيلم فيه رمزية زوينة على اللاستيلاء ديال السوشل ميديا و التكنولوجيا على العالم، في شخصية الشرير التيليفون. من أهم الأفكار في الفيلم هي كيفاش تاتخلينا السوشل ميديا مديكونيكطيين على الواقع ديالنا و خاصة الناس لي قرابين لينا. هاذ القضية مهمة بزاف، السوشل ميديا تاتولد فينا واحد البلية و urge كبير باش نتعرفوا على ناس جداد و نديروا علاقات جديدة. و هاذشي على الحساب العلاقات الواقعية القديمة لي عندنا. هاذشي بالإضافة للتسارع باش نديروا لاقات جداد لحظية لي كاتبدأ و تسالي بالزربة، التركيز و الصبر مايموتوا مع إدمان السوشل ميديا. السوشل ميديا هي الهيروين ديال الإجتماعية ...

أصعب حاجة في السينما هي تصايب جزء ثاني أولا ثالث ديال شي عمل، و خاصة ايلا كان ناجح و خاصة ايلا تبدل فريق العمل. هاذ السيمانة تفرجت في 2 سيكولز، الاول ديال Baby Boss و الثاني ديال Suicide Squad. كلشي كان مدروس: Baby Boss منين تفرجت في Baby Boss أول مرة خلا عندي انطباع زوين، و منين رعت شفت النهاية، جاتني في نفس الوقت مفتوحة و في نفس الوقت صعيب تتبنى عليها شي حاجة، و ماتتطلعش معاودة و حامضة. و منين سمعت على الجزء الثاني ماكنتش متحمس كّاع. ...

الأفلام الأجنبية دائما هي لي تاتأثر فيا حيت غالبا تاتحكي واقع قريب ليا فيلم زوين، و عاوتاني فيلم بقصة مسطحة و لكن مختلفة شوية على لاخرين، في Judas كانو 2 شخصيات و حتى واحدة فيهم ما واخدة حقها و في Ma Rainey كانت 2 شخصيات و بجوحه عليهم التركيز و في Minari كان التركيز على عائلة كاملة ماشي غير 2 دالناس ميناري فيلم زوين، فيها بزاف من الستيل ديال A24. خاصة الأفلام بحال The florida project و Lady Bird . الريثم طايح و حتى شي حاجة مثيرة في القصة. ...

ايلا بغيتي تعرف الفيلم كي داير شوف غير لاش ترشح في الأوسكارز. فيلم زوين عموما، تقنيا واعر بزاف، في النيفو ديال Mank. تصوير رائع، و تصميم إنتاج خرافي، و خاصة الحوايج و الماكياج في عالم آخر. القصة بحال أغلبية الأفلام لي شفت تال دايا مسطحة، ماتاهضر على والو. الحيز ديال القصة هو نهار واحد: نهار التسجيل ديال الألبوم ديال Ma Rainey و حنا تانتبعوا شنو واقع في داك النهار و في فضاء شبه مغلق. ...

أحسن Trailer في العام كلو! هاذي هي الجائزة الوحيدة لي يستحق هاذ الفيلم هاذ العام، و بما أن هاذ الجائزة ماتاتعطاش .. فرقوها على العناصر لي خلات التريلر كان تحفة، و لي هوما الموسيقى لي تدارت في التريلر (ماشي هي لي داتها و لكن في نظري هي لي تستحق)، و الأداء ديال دانييل كالوياه (في التريلر ماشي في الفيلم) الفيلم ركز بزاف على القضية و القيمة ديالها عند الأمريكيين السود و نسانا حنا المتفرجين، تاتحس بحال ايلا تايقول ليك المخرج و حتى الكاتب، ماشي سوقي تفرج و لا سير في حالك. ...

2020 كانت سنة مميزة في السينما و في أي حاجة أخرى. كان من المتوقع تكون من أسوء السنوات إطلاقا، و مايكون فيها حتى إنتاج سينمائي مقاد، و لكن فاجآتنا، وجاتنا بأفلام جميلة. ماشي لدرجة أفلام كلاسيكية خالدة و لكن كانت ماشي أسوء سنة ممكن يتسناها الواحد. هاذشي تانقولوا، واخا مازال ماتفرجشتش بزااف، يالاه بديت شالنج مع راسي باش ندوز على أفلام الأوسكارز واحد بواحد على حسب القوائم. اليوم بديت بقائمة أحسن ممثل في دور رئيسي و كان فيلم السهرة هو Mank ...

فكرة العدالة في الأنيمي شي مرات تايكون واحد الموضوع طابو بالجهد و أنت باغي تهضر عليه و تخرجوا باش ما كان للعالم و لكن ماتقدرش .. و هنا فين تاتبان قيمة الفن. الفن هو السبيل الوحيد للتعبير الحر، و السبيل باش تعبر على شي حوايج ماهما كانوا تايبانو طابوهات للعالم. الأنيمي و المانغا ديال اليابان تاعكسوا هاذ الفطرة بزاف .. في الحرب العالمية الثانية اليابان مارسات بزاف ديال أنواع العنف الترهيب و البشاعة ضد الإنسانية و معاها ألمانيا و دول المحور كاملين . هاذ الحملة جات عادية و مافيهاش نقاش، واخا دور المحور ماشي بوحدهم لي ممكن نقولوا عليهم هاذشي و لكن جميع الدول لي شاركات في الحرب دارو جرائم كبيرة أو صغيرة في حق البشرية، و هاذ الجرائم ماتكتباتش أو ماتحكاتش حيت خرجوا رابحين من الحرب. ...