ايلا بغيتي تعرف الفيلم كي داير شوف غير لاش ترشح في الأوسكارز. فيلم زوين عموما، تقنيا واعر بزاف، في النيفو ديال Mank. تصوير رائع، و تصميم إنتاج خرافي، و خاصة الحوايج و الماكياج في عالم آخر. القصة بحال أغلبية الأفلام لي شفت تال دايا مسطحة، ماتاهضر على والو. الحيز ديال القصة هو نهار واحد: نهار التسجيل ديال الألبوم ديال Ma Rainey و حنا تانتبعوا شنو واقع في داك النهار و في فضاء شبه مغلق. ...
أحسن Trailer في العام كلو! هاذي هي الجائزة الوحيدة لي يستحق هاذ الفيلم هاذ العام، و بما أن هاذ الجائزة ماتاتعطاش .. فرقوها على العناصر لي خلات التريلر كان تحفة، و لي هوما الموسيقى لي تدارت في التريلر (ماشي هي لي داتها و لكن في نظري هي لي تستحق)، و الأداء ديال دانييل كالوياه (في التريلر ماشي في الفيلم) الفيلم ركز بزاف على القضية و القيمة ديالها عند الأمريكيين السود و نسانا حنا المتفرجين، تاتحس بحال ايلا تايقول ليك المخرج و حتى الكاتب، ماشي سوقي تفرج و لا سير في حالك. ...
2020 كانت سنة مميزة في السينما و في أي حاجة أخرى. كان من المتوقع تكون من أسوء السنوات إطلاقا، و مايكون فيها حتى إنتاج سينمائي مقاد، و لكن فاجآتنا، وجاتنا بأفلام جميلة. ماشي لدرجة أفلام كلاسيكية خالدة و لكن كانت ماشي أسوء سنة ممكن يتسناها الواحد. هاذشي تانقولوا، واخا مازال ماتفرجشتش بزااف، يالاه بديت شالنج مع راسي باش ندوز على أفلام الأوسكارز واحد بواحد على حسب القوائم. اليوم بديت بقائمة أحسن ممثل في دور رئيسي و كان فيلم السهرة هو Mank ...
عمرني ما تفرجت في شي فيلم بوليوودي و لا عمري كنت تانتوقع نتفرج في شي واحد حتى شفت ثلاثية الممثل عامر خانIdiots 3 و PK و Like stars on earth لي أثبتوا ليا أنني كنت غالط منين كنت ماتانتفرجش في الأفلام الهندية .. في نظري خاصنا كلنا نبداو نتفرجوا في الأفلام الهندية ماشي لجودتها فقط و لكن حيت تاتعالج مواضيع لي تاتقيسنا كمغاربة بحكم تقارب البنية المجتمعية و بحكم أن الهند دازت أو مازالت في المرحلة النمو. ...
لا شك أن برنارد راسل كان منعطف في تاريخ المنطق والفلسفة الحديثين .. و من اللعيبات الحمقة لي جا بيها هي “إفتراض الخمس دقائق” .. 1: شكون لي قالك أن الكون ماتخلقش غير هاذي 5 دقائق .. 2: وا لكن را أنا عايش من شحال هاذي ماشي غير من هنا 5 دقائق .. 1: شكون قالها ليك ؟ شكون قالك أن حياتك مابدأتش غير من هنا 5 دقائق .. و شكون قالك أنك ماتخلقتيش بالعمر لي نتي عليه قبل دابا ب5 دقائق ؟ 2: و لكن أن عشت قبل من دابا ب5 دقائق .. واش تاتقول أنني عشت شي فترة قبل مانكون كّاع ؟؟ و باش تاتفسر هاذ الخبشة لي في وجهي ؟؟ 1: أنت تخلقتي قبل من دابا ب 5دقائق بوجه فيه ديك الخبشة .. و بذاكرة عامرة بالأحداث لي من المفترض درتي قبل هاذ 5 الدقائق (لي في الواقع مادرتيهش غير تاتوهم راسك أنك درتيه) .. ...
مابقى والو على Golden Globes و هاذو شي لعيبات على 2019 سنمائيا (من وجهة نظري لحد الساعة يالاه شفت 45 فيلم من إنتاجات 2019، و ربما غادي نوصل لحدود 70 تال 80 ايلا طرت (فيها حتى إنتاجات برا هولييود). هاذ العام كان أغرب عام سينمائيا، كان أحسن بزاف من 2018 و لكن ماكانش النسق متوازن، بدأ العام ناضي و عاود طاح النيفو و عاود رجع. عام لا ينسى، مارتن سكورسيزي، تارانتينو، آلباتشينو، دينيرو، جو بيتشي، براد بيت، ديكابريو، كريستيان بيل و مات دايمن، و زيد و زيد و زيد … أحسن دراما شفت لحد لساعة هي الفيلم لكوري Parasite. مازال ماشفتش 1917 و Marriage Story و The irishman يعني كاين امكانية كبيرة نبدل الرأي ديالي. أكثر دراما تانتسناها و باغي نتفرج فيها Marriage story أحسن رعب شفت هاذ العام هو US بدون منازع الرعب لي تانتسنى و باغي نشوفو هو Midsommar أحسن كوميديا، طبعا Jojo Rabbit، حيت مازال ماشفت Once upon a time in Hollywood لي معلق عليه طموحات كبار و مآمن أنه غادي يكون من أحسن الأفلام لي غانشوف في هاذ العام. الكوميديا لي تانتسنى هي Once upon a time in Hollywood الأكسيون John wick 3، و الإثارة و الغموض Knives out أحسن Animated movie هو Spider-man into the spider-verse ربما أحسن فيلم شفت في هاذ العام لحدد الساعة. كاين حتى Toy story 4 لي كنت خايف أنه يحماض و لكن ماخيبنيش. أكثر فيلم فاجئني Oh Rammona أكثر فيلم أحبطني هو Joker لي كنت تانتسنى أكثر بكثير من ذاكشي و تضرب لي كلشي في لزيرو. أسوء فيلم شفت هو Lion King أحسن تمثيل رجالي هو خواكين فينيكس في Joker أحسن تمثيل نسائي هي لوبيتا نيونغو في US لي استبعدت من ترشيحات Golden Globes، مافهمتش كيفاش تايفكروا هاذ الناس. :'( آخر معلومة: أحسن حاجة في 2019 هي أن الستوديو المفضل ديالي لي هو A24 خرج أفلام أكثر هاذ العام، Last black man in SF و The lighthouse و Uncut Gems و Farewell و Midsommar ….
ماغانقوليكش أنا فان ديال تارانتينو و لا تانفهموا شنو تايدير (أصلا غير أحمق هاذاك، كيبغيتيني نفهمو ؟) و لكن راه مخرج و سيناريست حرايفي، التصاور لي تايشد و المشاهد لي تايصايب، و الحوارات لي تايكتب و الشخصيات لي تايخلق من أروع ماكاين في السينما. أجمل ما في تارانتينو أحمق و تايدير لي فراسو بلا مايتسوق لي تاحاجة، ماكاينش شي أنترفيو معاه من غير جمل بحال “تارانتينو نقص الدم”، “تارانتينو نقص الرجلين”، تارانتينو باراكا من الكادراج الأحمق" .. و عاد ما زايد تايتمدد. ...